3 barangay, maminminas kabaybayanda?

SANTA, Ilocos Sur – Agminminas iti black sand ti maysa a barko a nasaripatpatan a nagpundo iti kabaybayan a sakup dagiti tallo a barangay ditoynga ili?

Imbatad ti bise mayor ditoy nga ili a saanda a kayat ti aniaman a klase ti panagminas iti kabaybayan a sakup daytoy nga ili.

Daytoy ti suspetsa nga indanon dagiti barangay captains ti Calungboyan, Casiber ken Rancho iti Bombo Radyo Vigan itay nabiit.

Segun ken ni Barangay Captain ti Calongbuyan Juanito Basconcillo, Jr., nabayagen a makitkitada ti Taiwanese vessel iti kabaybayan a sakup ti barangayda ket adda panagamakda ta adda pagilasinan nga agisaysayangkatda iti panagminas iti black sand kabaybayan.

Ngem impatalged ni Vice Mayor Jesus “Popoy” Bueno kas reaksionna ti impeksa dagiti barangay officials iti tallo a barangay ditoy nga ili a panagamakda a dina kayat nga adda agminas iti black sand iti kabaybayan a sakup ti ilida.

Kinuna pay ni Bueno a no adda pagduaduaan nga aktibidad ti nasao a barko, ipakaammoda kadagiti opisial ti ili ken kadagiti polis tapno maaksionanda.#