STA. CATALINA, Ilocos Sur – Mapaliiw a risiris ti panagbabalubal dagiti tallo a teddek ti politika ditoy nga ili iti masungad nga eleksion.
Manamnama a makabalubal ni incumbent Mayor Carlos Asuncion ni dati a mayor Juan Redoble ken ni Bokal Ronnie Rapanut.
Nagsango iti kinamayor idi 2010 da Asuncion ken ni Redoble ket inatiw ti immuna ti naud-udi.
Agturpos met ti maikatlo a termino ni Rapanut kas bokal ket maal-alimadamad a nakatuon ti matana iti tugaw ni Asuncion.
Kinuna ni Asuncion nga agkukuyogda a sangkatiket nga agipila iti kandidaturada inton biernes, Oktubre 5.#