3 drayber, nadismis kasoda panagsalungasing RA 7942

SINAIT, Ilocos Sur – Nawaswas ti kaso a panagsalungasing iti RA 7942 wenno Philippine Mining Act of 1986  maikontra iti tallo a drayber a nasalamaan dagiti polis a nagibiahe iti black sand idi napan a tawen.

Dinismis ni Asst. Provincial Prosecutor ken OIC Roberto V. Canosa bayat ti inquest proceedings ti kaso a panaglabsing iti RA 7942 a naipila maikontra kada Junepher Cabual y Calao, Dominador Cabasug y Padua, ken Roger Angala y Rangpas gapu iti kaawan umdas nga ebidensia maikontra kadakuada.

Maipalagip nga idi agarup 9:30 ti rabii ti Oktubre 19, 2013,  nasalamaan dagiti polis Sinait bayat ti panagisayangkatda iti checkpoint iti national highway iti sango ti Roman Catholic Church iti Barangay Rang-ay, Sinait, Ilocos Sur dagiti tallo a dump truck a minaneho dagiti tallo a nagkarga iti black sand.

Konkontraen ti Simbaan Katoliko ti panagminas iti black sand kadagiti coastal barangay iti probinsia.#