3 estudiante iti haiskul, nalmes

STA. CRUZ, Ilocos Sur – Tallo nga estudiante ti nalmes bayat ti panagdidigosda iti baybay a sakup ti Barangay Mambog ditoy nga ili idi sardam ti Oktubre 8.

Naideklara nga awanen ti biag idi maidanonda iti ospital da Mark Gil dela Paz, 14, residente iti Barangay Las-ud, Sta. Cruz; Ro-Anne Josue, 13, residente ti Gabur Norte, Sta. Cruz; ken Amygrace Asombrado, 14, taga-Barangay Kalsada, Tipas, Taguig City ngem agdama nga agnaed iti Barangay Bugbuga, Sta. Cruz; agpapadada amin a second year iti Pascual Rivera Pimentel Memorial Academy.

Segun iti inbestigasion, kalkalpas ti intramurals idi napan nagpipiknik dagiti estudiante iti igid ti baybay a mapapati a kaduada ti dua a mangisursuro.#