3 estudiante nakakumpiskaan iti droga, nakasuan

VIGAN CITY – Naipaiman iti DSWD dagiti tallo nga estudiante iti maysa a pagadalan publiko ditoy siudad ken naiyendorson ti kasoda a panaglabsing iti RA 9165 iti City Prosecutor’s Office, Vigan City,

Nainaganan dagiti suspek a da Carl John Racho y Encarnaccion, 15, Charlie Balallo y Quindiagan, 14, ken Mark Jay Norberte y Tugade, 15, agpapada nga estudiante iti Ilocos Sur National High School.

Maipalagip nga idi aldaw ti Marso 4, nasukalan dagiti guardia nga indauluan ni Alejandro Rosario dagiti tallo nga adda ikutda a napagango a bulong ti marihuana.

Mapapati a nasukalan iti bag ti maysa kadagiti estudiante dagiti nagango a bulong ti marihuana, maysa a glass tooter, dua a lighter, tallo a sag-P100.00, maysa a P50.00, dua a sag-P20.00 ken dua a sag-P5.00 a nabungon iti papel.

Saan a nailanad iti report no kasano a naipuslit dagiti estudiante dagiti nagango a bulong ti marihuana iti compound ti pagadalan.#