3 farmers’ association iti Candon, benepisario iti kuliglig

CANDON CITY- Tallo a grupo dagiti mannalon ditoy siudad ti nabenepisiaran iti proyekto manipud iti Department of Labor and Employment itay nabiit.

Naammuan ti Tawid News a naikkan iti saggaysada a kuliglig ti Bagani Ubbog Farmers’ Association, Parioc Primero Farmers’ Association ken Salvador Segundo Farmers’ Association.

Addaan ti Bagani Ubbog Farmers’ Association iti 100 a kamkameng,164 iti Parioc Primero, ken 188 iti Salvador Segundo.

Agbalor ti maysa a kuliglig iti P382,000.00

Saggaysada a rice and corn thresher ken makina ti inted ti Candon City government kas counterpartna kadagiti nasao a proyekto.

Kabayatanna, naikkan pay iti Negosio sa Kariton nga agpateg iti P300,000.00 dagiti upland vendors.#