3 fish cages, naipakat iti PPO

BANTAY, Ilocos Sur – Tallo a fish cages ti naipakat iti Police Provincial Office tapno agpaay a livelihood project dagiti polis.

Napuruakan iti fingerlings ti tilapia dagiti fish cages a naipakat iti abay ti fishpond iti asideg ti quarters ni Provincial Director Senior Supt. Nestor Felix ket mismo a dagiti PNP personnel ti mangpakan kadagiti lames.

Naammuan ti Tawid News a ni PD Felix ti mismo a nangigasto iti pannakagatang dagiti tallo a naipakat a fish cages.

Saggaysa a fish cage ti provincial director, dagiti police commissioned officers ken dagiti police non-commissioned officers a naigannuat para iti livelihood projects dagiti personnel ti PPO.

Itay nabiit, naiyussuat ti blood letting dagiti polis babaen ti pannakikammayet ti Philippine Red Cross kas paset ti selebrasion ti PCR Month.#