3 hinold-ap riding in tandem

STO. DOMINGO, Ilocos Sur – Nagpulong iti polis ti maysa a babai a negosiante a hinold-ap ida ti dua a lallaki a nakamotorsiklo sadiay Barangay Cabigbigaan idi rabii ti Oktubre 2.

Iti pulongna iti polis, kinuna ni Revelyn Fernando y Tabutol, 29, naasawaan, ken residente iti Sitio Padulao, Barangay Cabigbigaan ditoy nga ili, bayat ti panaggawidda iti agarup alas 8:00 ti rabii ti nadakamat nga aldaw, kaduana ti kabsatna a ni Jowie Tabutol y Bisquera, 21, ken Jacqueline Acena y delos Santos, 17, balasang, sinaed ida ti dua a lalaki sada intaray ti bag ti negosiante  a naglaon iti kuartana a P3,000.00, selpon, ken ATM cards.

Kinuna ni Fernando nga imbalangan dagiti suspek ti motorsikloda iti dalan sada pinaturongan ida iti paltog ken intaray ti bagna.

Mapapati a naunaan dagiti biktima ti nagbuteng nupay nakitada a sinanpaltog laeng ti naipaturong kadakuada.

Segun pay kadagiti biktima, nakaluban ti rupa dagiti suspek iti t-shirt.#