3 ili, nagsukat ti hepe ti polis

SANTIAGO, Ilocos Sur – Tallo nga ili ditoy probinsia ti nagsukat iti hepe ti polisna itay nabiit.

Iti Santa Cruz police station, ni Police Chief Inspector Faustino Bandao ti kabarbaro a COP. Sinuktan ni PCI Juanito Cabang a napan iti Police Provincial Office iti Camp Elpidio Quirino, Bulag, Bantay, Ilocos Sur.

Nagtugaw metten ni PSI Jose Barbado a baro a hepe ti polis ditoy nga ili. Sinuktanna ni PSI Elisio Laiz a naidestino iti quarantine office a naggapuan met ni Barbado.

Acting chief of police ni PI Joel Castillo iti San Esteban. Sakbay daytoy, isu ti deputy COP ti nasao nga ili.#