Footer

3 lalaki, nabagsol, natay ti maysa iti ospital

STA. MARIA, Ilocos Sur – Mapanda gumatang iti letson
manok ngem nakiririda a nagtungpal iti pannakatay ti maysa a kaduada.







Immuna a naitaray ni Albert Lizardo, 36, naasawaan,
residente iti Barangay Maynganay ditoy nga ili, iti Reyes Clinic and
Hospital sa naiyalis iti Candon General Hospital ngem impatayna
dagiti sugatna.

Segun iti inbestigasion dagiti polis, napan gumatang iti
manok iti Pardo’s Lechon Manok da Lizardo ken dagiti kaduana a da
Ryan Romero, 20, baro, residente iti Maynganay, ditoy; ken ni
Florante Amit, 39, residente iti Barangay Nagtupacan, ditoy met laeng
nga ili, ngem nakiriri da Lizardo ken ni Romero iti aglaklako a ni
Dindo Tabuada, 28, naasawaan, residente iti Barangay Balaleng,
Bantay.

Mapapati a pinaltogan da Lizardo ken Romero ti suspetsa
ngem dida napuntaan. Binagkong ti suspetsa dagiti dua.

Mapapati a naganawa ni Amit ngem inraman ti suspetsa a
binagsol.

Inaresto dagiti polis ti suspetsa ken narekobreda ti
kutsilio a naaramat iti pammagsol.#