Footer

3 lallaki, nadunor iti aksidente

CANDON CITY.  Tallo a lallaki ti nayospital gapu iti nagsina nga aksidente a napasamak iti daytoy a siudad.

Naiyospital ni Mar Leo Paliwen, 19, residente iti barangay San Andres, ditoy siudad gapu iti pannakaikrasna kalpasan ti pannakapilid ti naglugananna nga Honda XRM, addaan plaka ZG-8761, kadagiti naiwara a construction materials iti nabiit pay a nasemento a kalsada a sakup ti Barangay Gabor ditoy.

Naitaray ti biktima iti Resonable Clinic and Hospital para iti pannakaagas dagiti sugatna.

Segun iti biktima, dina nakita dagiti naiwara a construction materials agsipud ta awan ti naipatakder nga early warning device iti nasao a lugar.

Kabayatanna, nadunor da Hassan Olanid, 22, ken ni Roderick Galima, 20, agpada a residente iti Oaig Daya, Galimuyod, Ilocos Sur  kalpasan a dinungpar ti naglugananda ti maysa nga Starex van, addaan plaka XHP-429 a minaneho ni Bryant Bucao, 25, residente iti Lacson St, Sampaloc, Manila.

Sarsarunuen dagiti dua ti van idi madungparda ti kutit ti van iti national highway a sakup ti Barangay San Jose ditoy.

Naitaray dagiti dua iti Resonable Clinic and Hospital para iti pannakaagas dagiti sugatda.#