3 lugan, binato dagiti nabartek a lallaki

BANTAY, Ilocos Sur – Tallo a lugan ti nagbabartekan a binato ti grupo dagiti lalaki sadiay Barangay Guimod ditoy idi aldaw ti Septiembre 8.

Agpaamianan a direksion idi nabato dagiti lugan a pakairamanan ti Nissan Navara Frontier a nairehistro ken ni Anthony Tan ken minaneho ni Ronald Rimorin y Cruz, 45, residente iti No. 814 Silver St., San Rafael Village, Davao City; Shenyang Jinbei Aluminum Van, nakarehistro ken ni Tyrel B. Awkit a minaneho ni Jason Mayomis y Liwliwen, 30, awanan asawa, ken residente iti Barangay Labueg, Kapangan, Benguet; ken Isuzu High-Side Aluminum Van, nakarehistro ken ni Freddie S. Guira a minaneho ni Jonathan Ramos y Marata, 42, ken residente iti Barangay Callungan, Sanchez Mira, Cagayan.

Segun iti report, nabartek a lallaki a naglugan iti Elf ti nangbato iti lugan a puon ti nakabuongan ti sarming dagiti lugan dagiti biktima.

Sinapul dagiti polis dagiti suspek ngem saandan a nasapulan dagitoy.#