Footer

3 lugan nainbolbar iti aksidente; pinullo pasahero nasugsugatan

STA. LUCIA, Ilocos Sur – Pinullo dagiti nasugsugatan iti aksidente a nakainbolbaran ti dua a bus ken maysa nga dump truck iti national highway ti Barangay Barangobong ditoy nga ili idi agarup 11:00 ti rabii ti Enero 25.

Iti report manipud iti polis ditoy, nainbolbar iti nasao nga aksidente ti maysa a Partas bus a minaneho ni Reynante Sarinas y Sabugo, 34, naasawaan, residente iti Barangay Bessang, Cabugao, Ilocos Sur; Maria de Leon bus a minaneho ni Samuel Pagtama y Pacun, 56, naasawaan, residente iti Barangay 18 Magnuang, Batac City, Ilocos Norte, ken maysa nga Isuzu Elf dump truck.

Kas maibatay iti inisial a panagimbestiga dagiti polis ditoy, agpaamianan a direksion ti Partas ket iti nakapasamakan ti aksidente, mapapati a napukaw ni Sarinas ti kontrolna iti manibela ket kimmaut iti akinlaud a linia a nakaigapu iti pannakasapgidna iti makannigid a paset ti dump truck a nakaparada iti akinlaud nga abaga ti kalsada sa nakidinnungpar iti sumungad a Maria de Leon bus.

Kas resulta, nagsagrap dagiti dua a drayber ken konduktor ti Partas bus kadagiti dunor iti ulo ken bagida idinto a nakaro a nadadael ti sungo dagiti dua a bus ken iti makannigid a paset ti dump truck.

Naitaray dagiti nasugatan a pasahero ti Partas bus iti Candon City Hospital a pakaibilangan da Rogian Rubang y Soliven, 17, single, residente iti Brgy Paypayad, Candon City; Ma. Maricris Alconis y Bustamante, 18, single, residente iti Brgy Bigbiga, Santiago, Ilocos Sur; Glenn Gamilde y Velasco, 18, single, residente iti Caterman, Candon City; Vlady Louie Untalan y dela Cruz, 19, single, residente iti Tamag, Vigan City, Ilocos Sur, ken dagiti pasahero ti Maria de Leon bus a da Elvis Agregado y Mata, 58, naasawaan, residente iti Vintar, Ilocos Norte; Ariel Diego y Ferrer, 38, naasawaan, San Carlos City Pangasinan; Maria Jesusa Cudiamat y Bermillo, 29, single, residente iti Brgy Poblacion Este, Sta Cruz, Ilocos Sur; Sapled Panundiongan y Rumapa, 86, naasawaan; Yuan Ganuelas y Benigno, 6, residente iti Vintar, Ilocos Norte; Sixto Valcos y Mendoza, 57, naasawaan, residente iti Bocaue, Bulacan; Rolando Batan y Vergara, 39, single, residente iti Subic, Zambales; Maja Molina y Baltazar, 26, single, residente iti Brgy Poblacion Este, Sta Cruz, Ilocos Sur; Roger Dalere y Andres, 44, naasawaan, residente iti Vintar, Ilocos Norte; Alberto dela Peña y Cayanan, 52, single, residente iti Angles, Pampanga; ken Rosalyn Aniscal y Emmil, 18, single, residente iti Vintar, Ilocos Norte.

Karaman kadagiti nasugsugatan a pasahero ti Partas bus a naitaray iti Sta. Lucia District Hospital da Kylenne Soberano y Biola, 19, single, residente iti Brgy Paras, Candon City, Ilocos Sur; Xylenne Soberano y Biola, 19, single, residente iti Brgy Paras, Candon City, Ilocos Sur; Eufemia Biola y Asur, 60, naasawaan, residente iti Brgy Paras, Candon City, Ilocos Sur; Johnna Kate Velasco y Pascua, 18, single, residente iti Brgy Tamurong, Candon City, Ilocos Sur; Alfey Megan Agsano y Natividad, 18, single, residente iti Brgy Tiagan, San Emilio, Ilocos Sur agraman dagiti pasahero ti Maria de Leon bus a da Teddy Allagones y Advincula, 41, naasawaan, residente iti Mabilbila, Santa, Ilocos Sur; Veronica Manzano y Molina, 63, naasawaan, residente iti Mabilbila, Santa, Ilocos Sur; Herminigildo Nicolas y Mangahas, 45, naasawaan, residente iti Vintar, Ilocos Norte; Marnelie Agbayani y Tunac, 33, single, residente iti Vintar, Ilocos Norte; Inocencio Valle y Pascual, 58, married, residente iti Piddig, Ilocos Norte; Erlinda Valle y Banes, 61, naasawaan, ken residente iti Vintar, Ilocos Norte.

Agtultuloy ti panagimbestiga dagiti polis mainaig iti nasao nga insidente. (Tawid News Team)