3 mediamen, napadayawan

BANTAY, Ilocos Sur – Tallo a kameng ti media ti pinadayawan ti Police Provincial Office kas paset ti panangselebrarna iti Maika-18  a tawen a pannakaselebrar ti Police Community Relations Month a naangay iti Camp Pres. Elpidio Quirino, Bulag, ditoy nga ili idi Hulio 1.

Napadayawan  da Danny Antalan ti DZTP Radio Tirad Pass, Jessie Ancheta ti DZVV Bombo Radyo, ken Ryan Pardo ti CORE TV News.

Karaman pay kadagiti awardees da Sr. Lilian ti PPRCV/ NAMFREL, Ilocos Sur; Mayor Germelina Singson-Goulart ti Caoayan, Ilocos Sur; Pastero Nero Misajon ti Lord Jesus Christ Bible Gospel Church; ken dagiti barangay tanod ti San Jose, Candon City.

Napadayawan met ti Narvacan MPS kas Best Unit, ni PCI Greg Guerrerom hepe ti Santa MPS iti PCO Level, ken ni PO2 Annabel Farpali iti Bantay MPS iti PNCO Level.

Kas paset ti selebrasion, nangisayangkat pay ti PPO nga indauluan ni Provincial  Director Police Senior Supt. Dennis Basngi iti tree planting ken blood letting.#