3 menor de edad, naipresinto gapu iti curfew hour

CANDON CITY – Tallo a menor de edad ti naipan iti presinto gapu iti panaglabsingda iti curfew hour ditoy.

Naipan iti police station da Erry, 16, Josh, 17, ken Angel, 17, (parbo ti naganda gapu ta menor de edadda), agpapada a residente iti Barangay San Nicolas ditoy siudad gapu ta addada pay laeng nga agpaspasiar iti langalang iti rabii idinto a madaman a maipakat ti curfew hour kadakuada a menor de edad.

Naipasa ti City Ordinance No. 012-97 wenno curfew kadagiti menor de edad tapno maiyadayoda iti desgrasia ken dakes a bisio.#