3 nagpositibo iti dengue

VIGAN CITY – Tallo a pasiente iti Gabriela Silang General Hospital ti nagpositibo iti dengue itay lawasna.

Karaman kadagiti nagpositibo iti daytoy a sakit ti maysa a balasitang nga agtawen iti 16 manipud iti Barangay Gabur Norte, Sta. Cruz, Ilocos Sur; maysa a barito nga agtawen iti 17 manipud iti Barangay Fuerte, Caoayan, Ilocos Sur; ken agtawen iti walo a babai a residente iti Barangay Baliw, San Juan, Ilocos Sur.

Nupay kasta, adda metten simmayaatan ti kasasaad dagiti tallo a pasiente kalpasan a nainyeksionanda

Agtaud ti dengue manipud iti kagat ti maysa a klase a lamok.#