3 nalmes bayat panagdigosda iti baybay

CANDON CITY. Tallo ti nalmes bayat ti panagdigosda iti kabaybayan a sakupen ti barangay Calongbuyan, ditoy siudad.

Segun iti report, nalmes da Melody La Pena, 19; Bernice Borja, 10; ken Herma Pardillo, 13, agpapada a residente iti Tagudin, Ilocos Sur idi ginuyod ida ti dalluyon bayat ti panagdigosda iti kabaybayan a paset ti nadakamat a barangay.

Karaman a naiyagus dagiti kaduada a nagdigos a da Teofima Lasaga, 19; ken Cresencio Lasaga, 20; ngem nakapaigid dagitoy.

Naammuan a kagapgapu ti grupo a nagatendar iti gimong iti Baptist Church iti Paypayad, Candon City idi inkeddengda ti panagdigosda iti kabaybayan iti nasao a lugar.#