Footer

3 natay iti dengue

CANDON CITY – Tallon ti natay ken nasurok a 20 ti nayospital ditoy siudad gapu iti sakit a dengue.

Kanaig daytoy, kinuna ni Angie Rubang, sanitary inspector iti City Health Office, nga imminget ti kampaniada tapno mapengdan ti ad-adu pay a mabiktima ti dengue.

Kinuna ni Rubang nga agtultuloy ti panagturongda kadagiti barangay tapno ikampaniada ti panagdaldalus iti aglawlaw, ken panangipakbo kadagiti posible a pagitlogan ti lamok.

Kaadduan kadagiti biktima iti daytoy a sakit dagiti ubbing.#