3 natiliw iti buy bust operation

SAN ESTEBAN, Ilocos Sur – Tallo a lallaki a pakairamanan ti maysa a menor de edad ti tiniliw dagiti polis bayat ti buy bust operation nga insayangkatda sadiay Barangay Poblacion ditoy nga ili idi rabii ti Mayo 26.

Nabigbig dagiti suspek a da Jazen Valencia y Tuzon, 30, mannalon; John Marthel Esperanza y Caceres, 18, college student; ken Bernard Eligio y Camarillo, 17, agpapada amin a residente ti Brgy. Apatot, San Esteban, Ilocos Sur.

Natiliw dagiti suspek bayat ti panaglakoda iti heat sealed plastic sachet a naglaon iti mapapati a shabu nga agbalor iti P1,000.00.

Naiyendorson iti provincial prosecutor’s office ti kaso a panaglabsing iti RA 9165 maikontra ken ni Valencia, naitantan pay a makasuan ni Eligio gapu ta menor de edad ket naipaima iti MSWDO, San Esteban idinto a nadismis ti kaso ni Esperanza gapu iti kaawan probable cause.#