3 natiliw nga illegal nga agkalkalap

SAN ESTEBAN, Ilocos Sur – Tallo a mangngalap ti nakasuan gapu iti pannakatiliwda nga agkalkalap babaen iti illegal a wagas iti kabaybayan a sakup daytoy nga ili idi parbangon ti Agosto 16.

Napilaan da Sanny Cruz y Remegio, 41, naasawaan; Patricio Diego y Costales, 45, naasawaam; ken Rommel Daproza y Antonio, 32, nasawaan, residenteda amin iti Barangay Lingsat, Sta. Maria, Ilocos Sur we iti panaglabsing iti Section 1, Article IV iti Resolution No. 023 ti provincial board ti Ilocos Sur ken iti Municipal Ordinance No. 006-02 ditoy nga ili ket nai-docket ti kaso iti NPS No. I-03-INQ-15H-00177 iti babaen ti Criminal Case No. 1422-S.

Natiliw dagiti tallo a suspek bayat ti panagkalkalapda babaen iti compressor iti kabaybayan a sakup ti Barangay Bateria ditoy nga ili idi ala una iti parbangon ti Agosto 16.

Malaksid iti compresssor, nakakumpiska dagiti otoridad iti sumurok-kumurang nga innem a kilos iti nadumaduma nga ikan ken dadduma pay a fishing gadgets.

Iti kallabes, masansan a makatiliw dagiti otoridad ditoy nga ili kadagiti agkalap iti illegal wagas a mannalon nga aggapu iti Barangay Lingsat, Sta. Maria, Ilocos Sur.#