Footer

3 natiliw nga illegal nga agkalkalap

SAN ESTEBAN, Ilocos Sur -Tallo a mangngalap a taga-Santa Maria, Ilocos Sur manen ti natiliw nga illegal nga agkalkalap iti kabaybayan ti Barangay Apatot ken Bateria iti daytoy nga ili.

Tiniliw dagiti polis, fish wardens ken barangay officials ditoy da Samuel Cruz y Rapanut, 49, naasawaan; Hermo Costales y Navarete, 44, ken Whesly Daproza y Alviar, 30, agpapada a residente iti Sta. Maria, Ilocos Sur, ket kinumpiskada ti bilog nga inaramatda, compressor, pana, diving mask ken waterproof a flashlight. 

Mapapati nga imbatin dagiti suspetsa dagiti nakalapanda iti baybay.

Masansan a taga-Sta. Maria, Ilocos Sur dagiti matiltiliwan nga illegal nga agkalkalap iti kabaybayan ditoy nga ili.

Itay nabiit, taga-Sta. Maria manen dagiti natiliw a nagkalap babaen ti compressor iti kabaybayan ti Santiago, Ilocos Sur.#