3 paltog, balbala, nakumpiska

VIGAN CITY – Tallo a paltog ken balbala ti nakumpiska dagiti polis operatives iti insayangkatda a panagsukisok iti balay ti maysa a mangngalap iti Barangay San Pedro ditoy idi Oktubre 28.

Sinukisok dagiti operatiba ti CIDG nga indauluan ni PCI Villaflor Banawagan ti pagtaengan ni Francisco Raquel, 62, naasawaan, mangngalap, residente iti nadakamat a barangay, ket nakakumpiskada iti cal. 38 revolver, homemade short firearm, homemade shotgun, 1 bala para shotgun, 16 balbala para cal. 38.

Sinaksian dagiti barangay officials ti nasao a panagsukisok.#