3 paltog, naisuko iti polis

SUGPON, Ilocos Sur – Tallo a paltog ti insuko ti maysa a municipal official iti police station ditoy itay nabiit.

Dua a cal. 22 nga addaan iti innem a bala, ken maysa a cal .38 nga agpapada amin a kolorum ti boluntario nga insuko ni Sangguniang Bayan Member Daniel Laño iti police station ditoy.

Segun iti opisial, naisuko kenkuana dagiti paltog babaen ti maysa a kalugaranda a nagkiddaw a maisekreto ti kinataona.

Nainget ti kampania ti kapolisan maikontra iti panagraira iti loose firearms iti sanguanan ti mapaspasungadan nga eleksion inton Mayo daytoy a tawen.#