LAOAG CITY – Tallo a paltog ti nasukainan dagiti polis bayat ti panagsukisokda iti maysa a pagkaseraan ditoy siudad idi Abril 11.
Nakasukain dagiti polis nga indauluan ni Police Supt. Melvin Napiloy, hepe ti polis ditoy siudad, iti maysa a cal. 40, maysa nga M16 armalite rifle ken maysa a cal. 45, balbala ken magasin iti lodging house ni Gener Cortez, residente iti Barangay 7-A ditoy siudad bayat ti search operation nga insayangkatda iti nadakamat nga aldaw.
Segun iti report, awan ti naipakita ni Cortez a dokumento dagiti nasao a paltog.
Iti pannakaisurat daytoy, maisagsaganan ti kaso nga illegal a panagikut iti armas maikontra ken ni Cortez.#
