3 proyekto, linuktan ti gobierno probinsial

SINAIT, Ilocos Sur – Tallo a proyekto ti inprastruktura ti linuktan dagiti agtuturay nga indauluan ni Gov,. Ryan Singson ditoy nga ili itay nabiit.

Linuktan ni Singson dagiti proyekto ti farm to market road iti Barangay Bariquir, Barangay Marnay, ken Barangay Calingayan, ditoy nga ili.

Kaarig tiempo ti panagkakampania ti kaburnok dagiti agtuturay a dimmar-ay iti nasao a pasken a pakaibilangan ni Vice Gov. Deogracias Victor Savellano, dagiti bokal a pakairamanan da Bokal Jeremias Singson, Bokal Edgar Yabes, Bokal Constante Oandasan, ken Mica Mendoza.

Kinuna ni Singson a naggapu iti RA 7171 ti pondo para kadagiti nasao a proyekto.

Innayon ni Singson a babaen ti panagpasiarna, mismo a nakitana ti kasapulan dagiti barangay ket daytoy ti iprioridad ti gobierno probinsial nga ited.#