3 rifle grenades, nadiskubre iti barangay police outpost

STA. CATALINA, Ilocos Sur – Tallo a rifle grenade ken maysa a bala ti nasukalan dagiti barangay tanod iti police outpost ti Barangay Cabuloan, ditoy nga ili idi malem ti Disiembre 8.

Segun iti report, nasukalan dagiti tanod nga indauluan ni Rogelio Regpala y Realina, 51, naasawaan, chief tanod, dagiti tallo a granada ken bala idi mapanda agdalus iti outpost.

Dagus a kinordonan dagiti nagresponde a polis nga indauluan ni Police Inspector Ronald Rafanan, deputy chief of police, ti outpost sada pinakaammuan ti Explosive Ordnance Disposal a mangala kadagiti granada.

Adda itan dagiti granada iti ikut ti EOD, Ilocos Sur Provincial Police Office para iti umisu a disposision.#