3 rifle grenades naisuko

SIGAY, Ilocos Sur –  Tallo a rifle grenades ti naisuko iti police station ditoy nga ili idi malem ti Abril 13.

Iti report manipud iti polis ditoy, maysa a Sylvestra Villegas y Lorenzo, 56,  residente iti Barangay San Ramon, ditoy nga ili, ti nangisuko kadagiti rifle grenades.

Saan a nailanad iti report no naggapuan dagiti rifle grenades.

Nadakamat ketdi iti report nga asawa ti pimmusayen a polis ni Villegas.

Iti pannakaisurat daytoy, adda iti kustodia ti police station dagiti nasao a rifle grenades.#