3 suspek iti pammaltog, negatibo iti pulbora

SAN JUAN, Ilocos Sur – Back to square one ti panagimbestiga dagiti polis ditoy kalpasan a negatibo ti resulta ti paraffin test a naiwayat kadagiti tallo a suspek iti pannakapaltog ti agtawen iti dua nga ubing sadiay Barangay Muraya idi sardam ti Hunio 12.

Negatibo iti pulbora dagiti ima dagiti suspek a nainaganan Bobby Briones, Angelito Viloria ken ti ama ti biktima a ni Camille Rivera y Pescador, 2, iti paraffin tests nga inwayat ti Regional Crime Laboratory Office 1 kadakuada.

Maipalagip a napaltogan ni Rivera bayat pannanganda a sangapamilia ket nakatiruan ti tianna.

Iti kaudian a report, nakaruaren iti ospital ti biktima ket nakarekobren iti sugat a sinagrapna.

Kinuna ti polis a nupay nagnegatibo ti resulta ti paraffin test kadagiti tallo, saanda pay a naikkat a suspek iti pammaltog iti panagtultuloy a panagimbestigada.#