CANDON CITY – Binigbig ken pinadayawan ti Philippine Councilorsā League, Ilocos Sur Chapter dagiti amin a konsehal ditoy probinsia nga agturpos ti tallo a terminoda babaen ti maysa a programa a naangay iti KEA Social Hall iti Barangay San Nicolas, ditoy siudad idi Marso 25.
Agdagup iti 48 dagiti 3-term councilors a napadayawan iti daytoy nga aldaw.
Kangrunaan a sangaili iti nasao a programa ni DILG Provincial Director Victoria Ramos ken tinabunuan dagiti agtuturay ti probinsia nga indauluan ni Gov. Luis āChavitā Singson, Vice Gov. Deogracias Victor Savellano, Congressman Ryan Luis Singson, Congressman Eric Owen Singson, dagiti mayor, bise mayor ken kokonsehal dagiti dua a siudad ken 32 nga il-ili iti probinsia.
Kas paset ti āpanagturposdaā, immawat dagiti 3-term councilors iti graduation ring.
Iti Vigan City, uppat a konsehal ti agturpos: da Konsehal Henry Formoso, Konsehal Loreto Quibilan, Konsehal Audie Agdamag, ken Konsehal Hermenigildo Apelin.#