3-termer a konsehal, nadutokan a deputy administrator ti NTA

VIGAN CITY – Sabali pay a taga-Ilocos Sur ti nadutokan nga opisial ti National Tobacco Administration.

Nadutokan itay nabiit ni dati a konsehal ti Vigan City, Everin Molina a deputy administrator ti NTA.

Sakbayna, nadutokan ni dati a mayor ti Narvacan, Edgardo Zaragoza nga NTA administrator.

Sinuktan ni Zaragoza, three-termer a mayor ti Narvacan, ni Atty. Carlitos Encarnacion, taga-Ilocos Sur met laeng.

Three-termer a konsehal ti Vigan City, ni Molina ti maysa kadagiti dadaulo ti Liberal Party a partido ni Pres. Benigno Aquino III ditoy probinsia.#