3-termer a mayor, naabak a para barangay captain

GALIMUYOD, Ilocos Sur – Naabak ti maysa a 3-termer a mayor ken ama ti agdama a mayor ditoy nga ili a para kapitan iti napalabas a barangay ken SK elections.

Di nabaelan nga imbalat ni dati a Mayor Juanito BalingsatĀ  ni Ruben Combas a kinasangona para barangay captain iti Barangay Borobor ditoy nga ili.

Nangabak met a barangay kagawad da Reynaldo Sio-ang, Thomas Arthur Pacquing, Federico Gayao Jr., Jim Dangalan, Eden Flores, Febe Ramos ken Marcos Aglango.

Tallo a termino a nagtakem a mayor ni Balingsat sakbay a sinublat ti anakna, ni agdama a Mayor Jessie Balingsat, ti rienda ti turay.#