Footer

300 laeng a Sasso chicks ti naiwaras iti Sta. Catalina, MAO officer

STA. CATALINA, Ilocos Sur – Tallo gasut laeng a Sasso chicks ti naiwaras ditoy nga ili, daytoy ti inyatur ti municipal agricultural officer ditoy.

Kinuna ni Nerio Recaido, municipal agriculturist ditoy nga ili a 300 a Sasso chicks laeng ti naiwaras iti ilida, saan ketdi a 1,000 a kas iti immun-una a nairakurak ditoy a pagiwarnak.

Kinuna ni Recaido a kayatna a maatur daytoy agsipud ta adu dagiti kailianna a mangdamdamag no napanan dagiti piek a Sasso a naiwaras iti ilida.

Segun ken ni Recaido, 12 modules a 25 a piek tunggal module nga agdagup laeng iti 300 ti naiwaras ditoy ilida idi Disiembre ken Enero.

Inlawlawag pay ni Recaido a  naikari a sumarsaruno a maiwaras ti 1,000 piek a Sasso.#