300 nakipartisipar iti Fun Run

CANDON CITY: – Agarup tallo gasut a tumataray ti nakipartisipar iti Fun Run nga   insayangkat daytoy siudad idi Marso 12 kas paset iti panagpiestana.

Inyalat ni Reynaldo Andres ti Ilocos Norte ti umuna a gunggona iti 21-K idinto a ni Richard Cuplang ti Cervantes, Ilocos Sur ti nangabak iti  5-K.

Malaksid kadagiti tumataray manipud iti Siudad ti Vigan, Batac City ken Ilocos Norte, nakipartisipar iti fun run dagiti padi, dagiti empleado ti gobierno ken pribado, barangay officials, bank employees, firemen, policemen, ubbing, ken senior citizens.

Gapu iti balligi ti nasao a fun run, kinuna ni Leoncio Balbin, information officer ti Candon City,  nga agbalinto  daytoyen a tinawen nga aktibidad tunggal panagpiesta daytoy a siudad.#