30,000 bakawan, maimula

CAOAYAN, Ilocos Sur – Agdagup iti 30,000 a bakawan ti maimula iti igid dagiti karayan ditoy nga ili.

Segun iti maysa nga opisial ti Bureau of Fisheries and Aquatic Resources (BFAR), maimula dagiti bakawan iti Barangay Poro, Villamar, Fuerte, Don Quirolico, ken Tamurong, agpapada a coastal barangays ditoy nga ili.

Naammuan nga adda pondo a P30,000 para kadagiti agmula iti bakawan.

Maysa ti bakawan kadagiti paggugusto dagiti ikan a pagtaengan ken pagitlogan.#