DUOG A REBULTO

DUOG A REBULTO. Ditoy Vigan ti pakasarakan kadagiti duog a karro a pakaimuntaran dagiti nadumaduma a rebulto a sa laeng mairuar iti tiempo ti Semana Santa ken napateg nga okasion kas iti pannakailibut dagiti rebulto (ngato) idi naluktan ti Kannawidan Ylocos Festival. Iti panagpiesta ti Vigan City itay nabiit, inrusat dagiti agtuturay ti Vigan City iti panangidaulo ni Mayor Eva Marie S. Medina ti napingpinget a kampania tapno mairaman ti Vigan City a maysa kadagiti pito a finalists para iti 7NewWondersCities. (Rinetrato ni Salvador A. Espejo)