Footer

36 polis iti PRO1, nagturpos iti combat training

CANDON CITY –  Tallupulo ket innem a polis ti 1st Regional Public Safety Management Battalion (RPSMB) ti immawat iti sertipiko kas panagturposda  iti Hand-to-Hand Combat ken Technical Rifle and Pistol Training iti programa a naangay iti grandstand ditoy idi Marso 18.

Inyunay-unay ni Police Chief Supt. Constante D. Azares, Jr, ti nasayaat a panangaramat dagiti nagturpos dagiti kabarbaro nga inadalda nangruna iti masungad nga eleksion.

Indauluan da Police Senior Supt. Alejandro M. Valerio, Jr., 1st RPSMB Battalion Commander, ken Police Chief Inspector Lambert A. Suerte, Assistant Battalion Commander ken Course Director, ti training staff ken instructors.

Naisayangkat ti panagsanay babaen ti kooperasion ti G1 Tactical Solutions, nga idadauluan ni Christopher Collins, presidente; Gary Gotidoc, director of operations/firearms instructor; ken Marck Tan, G1 instructor.#