36 ubbing, benepisario ti milk feeding

CAOAYAN, Ilocos Sur – Tallupulo ket innem a malnourished nga ubbing ti benepisario iti milk feeding ditoy nga ili, daytoy ti impalgak ti medical officer ditoy nga ili.

Kinuna ni Dr. Edna Rabena, municipal doctor ditoy nga ili, a mapainom inaldaw dagiti benepisario nga ubbing iti maysa a baso a gatas iti las-ud ti uppat a bulan wenno 120 days.

Nangrugi ti feeding program idi Disiembre 9 ket agpatingga inton Abril 2014.

Kinuna ni Rabena nga initiatibo ni Mayor Germie Singson-Goulart ti nasao a gannuat a tinawen a maisayangsayangkat kas paset ti programana a pannakapugipog ti malnutrision dagiti ubbing iti Caoayan.#