Lakay, nairaman napulpogan idi nauram ti balayna

SALCEDO, Ilocos Sur – Kasla kalding a napulpogan ti maysa a lakay idi nauram ti balayna sadiay Barangay Poblacion Norte, ditoy nga ili idi agsapa ti Oktubre 21.

Nabigbig ti biktima a ni Felipe Taqueban y Taqueban, 88, balo, ken residente iti nadakamat a barangay.

Iti panagimbestiga dagiti polis, idi agarup 6:00 P.M. ti Oktubre 20, napan binalonan ni Renato Taqueban y Lumiteng ti amana a ni Felipe ket pinanawanna ti dakkelna a lalaki kalpasan a nangrabii.

Dua a kandela ti ginangtan ni Renato sana imparabaw iti plastic a lamisaan iti abay ti pagiddaan ti amana sakbay a pimmanaw.

Nagresponde ti Bureau of Fire Protection ken kapolisan ditoy apaman a naawatda ti report a maur-uram ti farmhouse ni Taqueban idi agarup 1:10 ti agsapa ti Oktubre, Nadepdep ti uram kalpasan ti nasurok maysa nga oras.

Nasukainan dagiti bumbero ti nakset a bangkay ni Taqueban iti dimmapo a farm house.

Mapattapatta nga agbalor iti P100,000.00 ti nauram a balay.#