3rd Cong. Ronald Singson Intertown basketball tournament, naikadakkel ti premio

VIGAN CITY – Indakdakkel ni Cong. Ronald Singson ti premio iti Ronald V. Singson Intertown Basketball Tournament kas insentibo kadagiti partisipante iti nasao a torneo.

Indakdakkel ni Cong. Singson ti premio a maited iti agkampeon iti torneo iti P150,000.00; P100,000.00 – 1st runner-up; P60,000.00 – 2nd runner-up; P40,000.00 – 3rd runner-up ken sag-P10,000.00 consolation prizes kadagiti amin a nakipartisipar a teams.

Agdagup iti sangapulo ket maysa a basketball teams manipud kadagiti nadumaduma nga ili iti umuna a distrito ti partisipante iti nadakamat a torneo iti basketbol a naglukat idi Abril 8.

Kinuna met ni Gov. Ryan Singson nga ipatasda ti premio para iti maluktan nga intertown basketball tournament iti maikadua a distrito.

Ti kampeon iti umuna a distrito ti kasangonto ti kampeon iti maikadua a distrito para iti overall championship.

Duan a tawen a nagsaruno a nagkampeon ti Vigan City iti intero nga Ilocos Sur.#