4.4 magnitude a ginggined, narikna iti Ilocos Sur

VIGAN CITY – Narikna ti sumagmamano nga ili ditoy Ilocos Sur ti maysa a pamigsaen a ginggined  idi agarup ala una ti bigat ti Hunio 15.

Segun iti Philippine Institute of Volcanology and Seismology (Phivolcs), agpigsa iti 4.9 magnitude ti ginggined a masarakan ti sentrona iti 32 kilometro abagatan a laud ti Laoag City, Ilocos Norte.

Kapigsaan a narikna ti ginggined iti Laoag City ken Sarat iti Ilocos Norte, ken Sinait, Vigan City, Santa, Narvacan, Sta. Maria ken Burgos iti Ilocos Sur.

Narikna pay ti ginggined sadiay Baguio City.

Nupay kasta, awan ti naireport a biktima wenno nadadael a sanikua maigapu iti nasao a ginggined.#