4 agbabalubal para mayor iti Sinait

SINAIT, Ilocos Sur – Four-cornered fight ti puesto ti kinamayor ditoy nga ili.

Agbabalubal a para mayor da Bokal Edgar Yabes, Vice Mayor Glen Guzman, Rosemarie Ines ken Atty. Geronimo Ines Amigable.

Tallo met ti agsasango para bise mayor a pakaibilangan da Fortunato Ines a katiket ni Yabes, ni Rommel Dayoan a katiket ni Guzman, ken ni Clifford Ines a katiket ni Rosemarie Ines.

Agturposen ti tallo a termino ni Mayor Marlon Ines ket ni Rosemarie nga asawana ti agkandidato a para mayor.

Saan a kinabise mayor ti pagkandidatuan ni Mayor Ines no di ket para konsehal.

Kas kadagiti kallabes nga eleksion, ti Sinait ti kaaduan iti kandidato para iti lokal a posision.#