Footer

4 disco bar, biliaran, dimmapo iti uram

BAGUIO CITY -Uppat a disco bar ken maysa a billiard hall ti dimmapo itay lawasna ditoy.

Nairaman a nauram ti Shooters Bar, Wowowee Disco Bar, LG Bar, Aegis, ken maysa a billiard hall a masarakan iti Legarda Road ditoy siudad.

Mapapati a nagtaud ti uram iti Wowowee bar ket nagramaram kadagiti kaabayna a disco bar ken biliaran.

Nagpaut ti uram iti aganay dua oras ket nasebseb met laeng iti alas singko babaen ti tulong dagiti immarayat a pribado nga agideldeliber iti danum.

Segun iti inisial nga inbestigasion, mapapati a maysa a pillbox wenno molotov bomb ti imbarsak ti maysa a di napagustuan a kustomer  iti Wowowee bar a nakaigapuan ti uram.

Di pay ammo ti pateg dagiti nadadael a sanikua kadagiti nauram a pasdek.#