SANTA, Ilocos Sur – Uppat kapuon a fully grown a marihuana ti naduktalan iti kabakiran a paset ti maysa a barangay ditoy nga ili idi malem ti Septiembre 2.
Mismo a dagiti polis-Santa nga indauluan ni Police Senior Inspector Napoleon S. Gao-ay, OIC, ken kameng ti Ilocos Sur PPO nga indauluan ni Supt. Jugith J. Del Prado, Chief PIDMB, dagiti napan nangparut kadagiti nasao a mula iti kabakiran ti Barangay Labut Norte idi agarup 4:00 pm ti nadakamat nga aldaw.
Naammuan dagiti polis ti kaadda dagiti nasao a maiparparit a mula babaen ti maysa a confidential informant.
Naipan dagiti mula iti police station para iti umisu a disposision.
Saan a nailanad iti report no adda mangtartaraken kadagiti mula.#