4 mangngalap, natiliw a nagbungbong

CABUGAO, Ilocos Sur – Uppat a mangngalap ti natiliw nga agkalkalap babaen iti illegal a wagas iti kabaybayan a sakup daytoy nga ili idi agsapa ti Agosto 17.

Naipiskot dagiti nagtitipon nga elemento ti Philippine Navy, MIG16, Cabugao municipal police station nga indauluan ni COP PCI William N. Nerona ken Bantay Dagat nga indauluan ni Barangay Kagawad Amado Belen da Jack Yadao y Rafanan, 43, naasawaan, laborer; Israel Raras y Ancheta alias Amboy, 38, naasawaan; Dariel Solima y Barcelona, 22, baro, ken Eddie Rafanan y Sumibcay, 19, residente amin iti Brgy Teppeng, Sinait, Ilocos Sur bayat ti illegal a panagkalapda iti kabaybayan a sakup ti Salomague Island, Barangay Salomague.

Kinumpiska dagiti otoridad ti de-motor a bangka dagiti suspek, agraman dagiti dua a bongbong nga addaan iti blasting cap ken improvised compressor.

Naikustodia ti bangka ken ni Barangay Kagawad Belen idinto a naipan dagiti suspek ken dagiti bongbong ken compressor iti police station para iti umisu a disposision.#