4 mannalon, natakawan iti bomba ti danum

STA. LUCIA, Ilocos Sur – Uppat a mannalon ti nagpulong iti polis ditoy nga ili idi agarup 10:40 ti aldaw ti Disiembre 1 a natakaw ti bombada iti danum nga imbatida iti kataltalonan .

Suspetsa da Gil Gadia y Gamer, 41, awanan asawa; Odilon Gadia y Gamer, 45, naasawaan; Jonathan Graza y Oliva, 33, naasawaan; Romulo ken Gadia y Garino, 40, naasawaan, mannalonda amin ken residente iti Barangay Suagayan, ditoy nga ili a natakaw dagiti bomba ti danum idi rabii ti Nobiembre 29.

Agpateg ti bomba ti danum ni Gil a black Aircool Kama iti sumurok kumurang P18,000.00; ti ER30 Kubuta water pump ni Odilon nga agbalor iti sumurok kumurang P21,000.00; ti ER40 Kubuta diesel water pump ni Jonathan nga agbalor iti sumurok-kumurang P28,000.00; ken ti China R180 water pump ni Romulo nga agpateg iti sumurok kumurang P20,000.00.

Kuna dagiti biktima nga imbatida dagiti water pumps iti kataltalonan, partikular iti Sitio Manayon ti nadakamat a barangay, ket naduktalanda laengen a mapukpukaw dagitoy idi napanda iti talonda iti nasapa a bigat ti Nobiembre 30.#