4 nakalibas kakadua ti nagudas drug personality, nasaklangan agsusukot a kaso.

CABUGAO, Ilocos Sur – Agsusukot a kaso ti naipila maikontra iti uppat a kakadua ti most wanted drug personality iti Ilocos Sur a nagudas idi nakipinnaltogda kadagiti polis a mangaresto kadakuada idi nariwet a bigat ti Hulio 19.

Naipatuloden iti provincial prosecutorā€™s office, Vigan City ti kaso a panaglabsing iti RA 9165, RA 10591, direct assault upon an agent of person in authority ken attempted multiple homicide maikontra kada Harry Garma Savellano, Elyrey Sinco Agustin, Eric Garma Savellano, ken Edgar Guerrero Basuil, residenteda amin iti Barangay Pug-os, Cabugao, Ilocos Sur.

Birbiroken dagiti pannakabagi ti linteg dagiti uppat a nakalibas bayat ti pannakipinnaltogda kadagiti polis sadiay Sitio Padual, Barangay Pug-os, Cabugao idi agsapa ti Hulio 19.

Ngem nagudas bayat ti rupak ni Roger Sinco y Mar, 39, nabatbati a lider ti armado a grupo a matangtangdanan a pumatay ken agiwaywayat iti panaglakuan iti illegal a droga.

Kuna ti kapolisan a nakaeskorda iti kampaniada maikontra iti illegal a droga iti pannakagudas ni Sinco.

Nakalista iti Sibat Priority Target Regional Level, Wanted List Drug Personalities ken tardiet ti Coplan Gold Fish, addaan ni Sinco iti lima a warrants of arrest gapu iti panaglabsingna itiĀ  Section 28 ti RA 10591 a nai-docket iti babaen ti Criminal Case No.Ā  3366-KS; panagsalungasing iti Sec. 12, Art. II ti RA 9165 a nai-docket iti babaen tiĀ  CC No. 3367-KS;Ā  direct assault upon agents of a person in authority a nagaramat iti kolorum a paltog a nai-docket iti babaen ti CC No. 3368-KS; panaglabsing iti Sec. 11 Art. II ti RA 9165 a nai-docket iti babaen ti CC No. 3369 nga inyisio amin ni Judge Nida B. Alejandro ti RTC Branch 24, Cabugao, I. Sur; ken murder a nai-docket iti babaen ti CC number 3519-C nga inyisio ni Judge Policarpio P. Martinez ti First Judicial Region, RTC Branch 71, Candon City.

Kabayatan ti panangiyimplementar ti nagtitipon a kapolisan a pakaibilangan tiĀ  Cabugao Municipal Police Station, ISPIB, ISPPSC, 1st Maneuver Coy RPSB1, RID PRO1, RIU1, Highway Patrol Group ISUR, CIDG ISUR, ISPAIDSOTG, PDEA ISSET1, ISPIDMB, 103rd Maritime Group, San Juan Municipal Police Station ken Sinait Municipal Police Station ti iggemda a search warrant ken warrants of arrest maikontra ken ni Sinco, nasiputan ida ti grupo ti suspek ket ginandatda ti naglibas a nakalugan iti nangisit a Suzuki Skydrive, awanan plate number ken asul aĀ  Honda TMX 155 tricycle, awanan plate number.

Ngem nakaipasdek iti barikada dagiti polis iti likudan ti hideout ti grupo a nagresulta iti pannakipinnaltog dagiti suspek kadagitiĀ  polis.

Nalusotan dagiti suspek ti umuna a barikada ngem sabali manen a grupo dagiti polis ti mangur-uray kadakuada iti simpokanda a katurodan ket ditoy a napasamak ti sabali pay a panagpipinnaltogda.

Kalpasan ti ranget, nasarakan ni Sinco a daradara gapu iti sugatna iti kapagayan.

Naitaray ni Sinco iti maysa nga ospital iti Cabugao ngem indeklara ti doktor a nangtaming kenkuana a dead on arrival.