TAGUDIN, Ilocos Sur – Uppat a tattao ti naireport a nakimat bayat ti panagisaganada iti talon a pagraepanda sadiay Barangay Lantag ditoy nga ili idi malem ti Hunio 18.
Nainaganan dagiti biktima a da Bonifacio Fabro Jr. y Bautista, 23, farmer; Randy Fabro y Rabon, 26, married, farmer; Carlo Magno y Bangquead, 24, married, drug store attendant ken agpapada a residente iti nadakamat a barangay.
Saan unay a naan-ano ni Reberto Rafanan y Javanilla ket isu ti nagpaarayat kadagiti kalugaranda.
Naitaray dagiti biktima iti Sta. Lucia District Hospital ngem naideklara a dead on arrival ni Bonifacio Fabro.
Naiyalis kalpasanna da Randy Fabro ken Magno iti Ilocos Training Regional and Medical Center (ITRMC), San Fernado City, La Union para iti ad-adda pay a pannakatamingda.#