4 nayospital iti aksidente ti lugan

SINAIT, Ilocos Sur – Uppat a tattao ti nadundunor kalpasan ti panangdungpar ti maysa a motorsiklo iti sabali a motorsiklo iti national highway ditoy nga ili idi agarup alas 10:35 ti rabii iti Nobiembre 29.

Naiyospital da Adrian Inaligo y Gawan, 26, baro, residente iti Barangay Caraitan, Badoc, Ilocos Norte, John Michael Jurich Tuliao, 18, baro, residente iti Barangay Rang-ay, ditoy nga ili ken dua a di nainaganan a back riders.

Segun iti inbestigasion, agpaabagatan ti Yamaha Sniper a minaneho ni Inaligo idi kellaat a dinungpar ti Kawasaki Fury motorcycle a minaneho ni Jurich ti kutit ti immuna ket iti pigsa ti impact, naikrasda agraman dagiti back riders ni Inaligo.

Naglak-am iti nakaro a sugat iti ulo ni Tuliao ket naiyalis manipud iti Corpuz Clinic and Hospital iti Metro Vigan Cooperative Hospital iti Bantay, Ilocos Sur.

Nadundunor met iti nadumaduma a paset ti bagi dagiti dadduma a biktima.#