4 opisina ti provincial capitol, natakawan

LA TRINIDAD, Benguet – Uppat nga opisina ti provincial capitol ditoy ti natakawan itay nabiit.

Natakawan ti opisina ti Department of Interior and Local Government, National Commission on Indigenous Peoples, Department of Agriculture ken ti postal office.

Mapapati a simrek dagiti di pay am-ammo a mannanakaw iti opisina ti NCIP babaen ti panangragadida iti tawa sada sinerrek dagiti dadduma pay nga opisina babaen ti panangdadaelda iti didingda.

Kinasakas dagiti mannanakaw ti tallo a laptop computers, dua nga LCD monitors, P9,700 iti postal office ken di pay ammo a gatad kadagiti dadduma nga opisina.

Dua ti guardia iti dayta a rabii ngem saanda a nadlawan ti iseserrek dagiti mannanakaw.#