NARVACAN, Ilocos Sur – Agdagupen iti 410 dagiti iskolar a pagad-adalen ti National Tobacco Administration, segun iti administrador daytoy nga ahensia.
Kinuna ni NTA Administrator Edgar D. Zaragoza a 41 ti bilang dagiti baro nga iskolar ket manipud iti daytoy, 30 dagiti sumrek iti umuna a tukad iti sekundaria.
Innayon ti administrador nga ipapaay ti NTA ti scholarship program kas insentibo kadagiti mannalon ket sakupenna dagiti kualipikado ken makabael nga annak dagiti agmulmula iti tabako a nakarehistro iti NTA.
Ti sumaganad dagiti iskolar ti NTA: ; Ilocos Sur, 157 (1st District, 49, 2nd District, 108); Pangasinan, 57; Isabela, 51; La Union, 44; Ilocos Norte, 39; Abra, 30; Cagayan, 30; ken Occidental Mindoro, 2.
Saklawen ti programa ti panagadal dagiti iskolar kadagiti 4-year courses ken teknikal wenno bokasional a kurso.#
